رواية توأم حياتي

توأم حياتي
فكره وتنفيذ-لطيفه
المساعدة – ملاك
شارك في المساعده-لمى



كانت سمر عايشه في بيت كبير بين خواتها اللي هم ريما وساره وريماس وراما ويوسف وسلطان وتوأمها سمير وكانت سمر فرحانه عشان هم بيروحون من بكره لتبوك لكن توأمها سمير مو برايح لان ماكان له نفس يروح واللي زايد الطينه بله انه تعبان كانت سمر في غرفتها منسدحه على السرير تفكر باخوها سمير لانه بيجلس عند خالتها اللي هي ام سمر وسمير من الرضاعه وقطع هالتفكير صوت اختها راما***
راما: ســــــــــــــــــــــــــــمــــــــــر000
سمر:نعم 000
راما: يلا تعالي تعشي عشان تنامين000
سمر: طيب جايه000
وجت سمر وجلست على طاوله الاكل والتفت على سمير وقالت :تكفى ودي تروح معنا لتبوك000
سمير: سمر طيب انا ما ابي اروح000
أأم سمر:خلاص يـا سمر على راحته خليه يجلس وتعرفين انه تعبان000
سمر كملت اكلها وقامت عن الاكل وطلعت فوق تنام عشان بكره وراهم سفر ***

**********************************************************************
قامت سمر على صوت ابوها وهو يقومها لصلاة الفجر وراحت سمر وصلت الفجر ونزلت تحت ولقت سمير في الحوش يلبس نعاله وقالت سمر :سمير ابغاك عقب ما ترجع بموضوع ضروري مره 000
سمير :طيب ان شاء الله ياعمه 000
سمر وهي تمزح :اقول لايكثر ورح للصلاة 000
سمير :هههههه صلي بعد انتي000
سمر: ياشين البزارين 000
سمير:اقووووووووول ترانا توأم000
سمر بجديه:طيب بس رح للصلاة ولا تنسى تجيني في غرفتي اذا رجعت 000
سمير :طيب ان شاءالله000
سمر دخلت في البيت وصلت وراحت للخدم وقالت لوحده منهم تسوي الفطور***
كانت سمر تنتظر سمير في الحوش وكانت باخر الحوش وبعيده عن الباب مره ويو م رجعوا ابو سمر وسمير ويوسف وسلطان من الصلاة ***
وفتح ابو سمر الباب بالمفتاح قامت سمر بسرعه ***
ابو سمر :سمر انتي في الحوش وش السالفه؟؟؟
سمر :لا بس كنت ابغى سمير شوي 000
دخل ابو سمر وسلطان ويوسف داخل***
سمير :يالله هاه وش تبين00
سمر:اسمع ليه ماتجي معنا لتبوك؟؟
سمير:سمر قلت لك خلاص انا ما ابي اجي لتبوك000
سمر: تكفى السفر موب طالع حلو بدونك000
سمير :ادري ادري بس ما يصلح اتغلى000
سمر :ما كذب خبر الاخو اقول تقلع الشرهه مو عليك الشرهه على اللي يتطلبك000
سمير:ههههههههه افول شوفي تبوك رحت لها ولا خمسين مره عشان شغل ابوي000
سمر :اها قلي من اول انك مال منها 000
ابو سمر طلع من البيت للحوش***
ابوسمر :ترا الحين بنمشي للرياض يالله ياسمر البسي عباتك وانت ياسمير اركب عشان اوديك لعمك محمد 000
سمير :الله ابروح لبيت خالتي 000
ابوسمر:لاتقول بيت خالتي قل عمي000
سمر :ليه؟؟؟؟
ابوسمر:قال تعالى ((ادعوهم لاباهم هو اقسط عند الله)) يالله اركبوا السياره اهلكم راكبين السياره يالله بسرعه ترا لو تاخرنا ما امدانا على الطياره000
سمر وهي بتفل عبايتها: لحظه ابلبس عبايتي000
ابو سمر :السياره داخل الحوش مهيب في الشارع000
سمر : هههه طيب000
وركبوا السياره وافطروا في الطريق***


بنات هذا البارت الاول عطوني انطباعاتكم عنها وانتقاداتكم البناءه


انتظر ردودكم..........
: : ترى ما أبيح ولا احلل اللي ينقلها لاي منتدى من غير ما ينسبها لي

تحيتي لكم:

اميرة المجد

ههههههههههههههههههه
جميله

روعـــــــــ^_^*ه شكرا

مشكوووره

مشكوورة بس ماهي كاملة

السلام عليكم بنااااااات هذا البارت 4:
في بيت العم محمد كانوا مهند ومساعد وسمير
في الملحق اللي في الحوش كانوا يلعبون بلاستيشن3وكانت يد البلاستيشن مع سمير وحطها على الارض وقال :تراي مليت تعالوا عند الجده نوره نسمع سواليفها اللي تسوى ذهب اااااااااه بس والله انها شي مهم في دنيتي...
مساعد :رح انت انا توني راجع منها ...
سمير: طيب ما يخالف...
دخل فهد في الملحق وكان فهد ماله نفس و ضايق خلقه***

سمير : فهد وش فيك ؟؟؟
فهد: ما فيني شي بس متضايق...
سمير : وش منه؟؟
فهد في اذن سمير:انا ادق على راما ولا ترد...
سمير بصوت واطي: اكشششخ ياللي تخاف اقول تهقا ان في اهلي شي؟؟
فهد :الله يستر...
سمير : اقوووول لا تصدق ان شاء الله ما فيهم شي المهم اني انا اللحين ابروح للجده نوره...

فهد : لالا اصبر شوي تكفى احس اني متوتر...

سمير بمزح : يوووه انت مثل سمر اذا توترت او خافت تقول لا تبعد عني المشكله انها ما تسولف معي بس تجلس تفكر...

فهد:هههه عااد من جدك سمر تسوي كذا...

سمير : ايه والله من جدي ...

فهد: اجل تحملني مثل ما تتحمل سمر...

سمير : لااااا يرحم والدينك ما ابي ...

فهد بمزح: اجل ليش تتحمَل الاخت سمر ولا تتحملني...
سمير بجديَََََه: لا والله ياخي شف الفرق انت ولد خالتي وهي توأمي ...
فهد قام وقال: على راحتك رح لاني ابروح لغرفتي...
سمير : وانا ابروح اشرب مويه لاني الله يسلمك عطشااااان ثم عاد اروح للجده نوره...

:وفي غرفة الجده نوره:
كانت الخاله منيره والجده نوره يسولفون وقطع سوالفهم صوت جوال الخاله منيره وهو يرن ويوم شافت الخاله منيره الرقم غريب ردت وبما ان الخاله منيره من النوع اللي يطول في المكالمات قررت الجده نوره انها تستغل وقتها وتنام لانها تعرف طبايع بنتها وهي في الاساس فيها النوم...
الخاله منيره:الو السلام عليكم...
المتصله:وعليكم السلام والرحمه هذا جوال منيره ؟
الخاله منيره : ايه نعم انا منيره من معي؟؟
الممرضه: معك الممرضه ام احمد ...
الخاله منيره : ياهلا وغلا لكن تبين الصدق ما عرفتك ولا قد سمعت باسمك...
الممرضه ام احمد :ايه اكيد ما تعرفيني وانا اصلا داقه عشان بنت اختك عندنا بالمستشفى ...
الخاله منيره: أي وحده؟؟
الممرضه ام احمد:اسمها سمر...
الخاله منيره :طيب وين اهلها عنها؟؟
الممرضه ام احمد:توفوا في الحريق اللي صار بالفندق ...
الخاله منيره :وش قلتي؟؟؟
الممرضه ام احمد: الله يرحمهم قولي امين ...
وفي هالوقت دخل سمير غرفة الجده نوره***
الخاله منيره مو مستوعبه: آمين بس عسى سمر بخير؟؟
الممرضه ام احمد : بخير الحمدلله بس يدها اليمنى محترقه كلها وجزء بسيط من الكتف الايمن ...

الخاله منيره : طيب متى تقدر تطلع من المستشفى؟
الممرضه أم احمد: عادي تقدرون تاخذونها من المستشفى اللحين...
الخاله منيره :خلاص ان شاء الله بنجيها...
الممرضه ام حمد :متى ؟
الخاله منيره: ما ادري بس ان شاءالله بنحجز اقرب رحله لتبوك...
الممرضه ام احمد: يالله اجل في امان الله...
الخاله منيره:مع السلامه...
الخاله منيره سكرت الجوال وقعدت تبكي وهي اصلا ما انتبهت ان سمير موجود***


سمير وهو خايف قرب من المكان اللي جالسه فيه الخاله منيره وقال: خاله منيره وش في سمر وبعدين اهلي وش جايهم؟؟؟؟

الخاله منيره وهي تحاول تخفي دموعها:سمير متى دخلت؟؟
سمير: قبل شوي بس يا خاله ما جاوبتي علي؟؟
الخاله منيره : ما فيهم الا كل عافيه وسمر ماجاها شي...
سمير : ياخاله وشلون ماجا سمر شي وانتي تقولين انا بناخذها من المستشفى اللي بتبوك؟؟
الخاله منيره : ابد بس محترقه يدها اليمنى من اطراف اصابعها لين كتفها...
سمير : طيب وشو منه؟؟؟
الخاله منيره:من حريق صار لهم في الفندق ...
سمير : طيب وش صار على اهلي ؟؟؟؟؟؟؟
الخاله منيره: ماصار لهم شي بس انهم مرتاحين من هالدنيا ...
سمير بعدم استيعاب:نــــــــعم يعني ماتوا كلهم؟
الخاله منيره :الله يرحمهم...
سمير: لالالا ما اصدق...
الخاله منيره وهي ماسكه يده تبي تهديه: سمير نسيت الايمان بالقضاء والقدر؟؟؟
سميروهو يبكي : لا مانسيته...
الخاله منيره وهي تحاول انها تتماسك على شان ماتبكي قدام سمير: يالله وانا خالتك ارقى لغرفتك شفها جنب غرفة مساعد تراها توها مجهزتها الشغاله...
رقى سمير لغرفته واثناء ما كان يمشي في الممر اللي فيه الغرف وكان فهد توه طالع من غرفته
وشاف فهد سمير وهو يبكي ***

فهد وهو ماسك سمير مع كتفه: سمير وش فيك ؟؟
سمير التفت وهو يبكي وبقوه فهد كان مستغرب وخايف في نفس الوقت***
فهد هز سمير : سميييييير جاوب علي وش فيك؟؟؟
سميروهو يبكي: كلهم ماتوا ...
فهد : منهم ؟؟
سمير : اهلي كلهم ماتوا ...
فهد : معقوله كـــــلهم؟؟؟
سميروهو يبكي زي الطفل:ايه كلهم يافهد ولا بقي منهم الا انا وسمر...
فهد خلى سمير وراح لغرفته وهومتأثر وبقوه***

:وفي غرفة الجده نوره:
ويوم قامت الجده نوره من نومها وقالت لها الخاله منيره عن الخبر ***
الجده نوره : لاحول ولا قوة الا بالله , الله يرحمهم ويسكنهم فسيح جناته ...
دخل مساعد غرفه الجده نوره***
مساعد: يمه يمه يمه ...
الخاله منيره وهي معصبه لأن مساعد سبب لها ازعاج:وجع وش تبي؟؟
مساعد: يمه ترى مهند كسر شريط قراند حق السوني ...
الخاله منيره : هذا وقته وصاجني عشان شريط قراند لا وبعد تشوف الناس في عزاء وانت بكل دلاخه تجي وتقول يمه ترى شريط قراند انكسر...
مساعد: يمه وشو عزاه ؟؟؟
الخاله منيره وهي تهاوش مساعد: مااااا كأنك داري بخالتك الوحيده اللي ماتت هي وعمك وعيالها كلهم مابقى منهم الا سمر...


مساعد : يمه والله اني توني سامع هالخبر ...
الخاله منيره: ايييييييه نسيت انا اصلا مخبره سمير...
مساعد : يمه ماتوا ؟؟؟
الخاله منيره: ايه ماتوا...
مساعد رقى فوق وراح لغرفته وبقت الجده نوره مع الخاله منيره ***







تـــــــــــــــــــــــحياتي للجميع:
اميرة المجد

بنات البارت اربعه لا تقرونه الا بع البارت ثلاثه لاني لخبطت):

الله يعافيكم على الردود الحلوه وهذا البارت الثاني :
وراحو اهل سمر للرياض الساعه 8 الصبح ومروا على العم محمد وحطوا سمير عنده وكملو طريقهم لمطار الرياض وراحوا بالطياره لتبوك ووصلوا الساعه2 الظهر ودوروا لهم فندق ويوم لقوا دخلوا للفندق وكالعاده كل واحد حجز له سرير وسمر لقت غرفه مافيها الا سرير واحد وحطت سمر شنطتها اليدويه على السرير ودخلت اخت سمر اللي هي راما ***
سمر: ترى الغرفه محجوزه 000
راما باستهبال : ايه عارفه بس ممكن انام عندك لان السراير خلصت ولا تنسين اني طالبه جامعيه وزواجي قرب لا بعد انا اكبر منك يالصغير ه توك في المتوسط هههههههه000
سمر :ههههههههه حياك الله بس مايحتاج هالكلام كله000
وراحت سمر لابوها وقالت : ابوي الله يعافيك ممكن تقول للعامل تبع الفندق يجيب فراش ووساده لاني ابنام على الارض 000
ابو سمر : ههههه يالبيه خلصوا السراير عنك ابد ولا يهمك ابقوله000
سمر : الله يعطيك العافيه ابوي 000
وراح ابو سمر ***
ام سمر : طيب وين بتنامين فيه؟؟000
سمر : ابنام في الغرفه هاذيك اللي باخر الصاله 000
وراحت ام سمر لغرفتها وبقت سمر في الصاله***
ابو سمر بمزح :هذا هو المفرش وهذي هي الوساده هاه يالدلوعه تبين شي ثاني بعد000
سمر : لا الله يعافيك بس مممم 000
ابو سمر : وش فيك ؟؟000
سمر : لا بس ماودي انام 000
ابو سمر : هما فيك النوم؟؟؟000
سمر وهي خانقتها العبره : ابو ي انا ما ارتحت 000
ابو سمر جا وجلس جنب سمر على الكنبه ***
ابوسمر : سمر اذا انتي فيك شي تكلمي000
سمر : ما ادري حاسه بشي غريب00
سمر على طول بكت ***
ابو سمر : اذا تبين انتظرك لين تنامين عادي000
ابو سمر وقف و شال سمر من على الكنبه وجلس على الكنبه وحط سمر بحظنه وضمها وبدا يهدي فيها لين نامت ويوم نامت قام وحطها على الكنبه وخذ الفراش والوساد وراح لللغرفه اللي كانت سمر بتنام فيها وفرش الفراش وحط الوساده وراح للصاله وشال سمر من على الكنب وحطها على الفراش وطلع من الغرفه وصك باب الغرفه بهدوء وراح لغرفته ونام ***

وقامت سمر وهي تكح وكان وقت العصر ويوم التفتت تناظر شافت دخان يدخل من تحت الباب تبع الغرفه وقامت وراحت للباب تحاول تفتحه وما رضى ينفتح وبعد مايئست من الباب راحت للسرير اللي نايمه عليه راما ***
سمر وهي تهز كتف راما : راما قومي راما 000
راما ماردت على سمر ويوم قربت سمر يدها عند انف راما اكتشفت انها ما تتنفس
وراحت سمر للدريشه وطلت شافت نيران تشتعل في الفندق وحست انها مخنوقه واغمي عليها***
************************************************** ***********************************
وفي بيت العم محمد
كان سمير جالس في الصاله واللي جالس العم محمد معه سجى اللي هي بنت العم محمد وتدرس في الجامعه والخاله منيره اللي هي ام سمر وسمير من الرضاعه وفهد موظف في البنك وعبدالله موظف في الصحافه ومساعد يدرس في الثنوي و مهند يدرس في الابتدائي هذولا هم عيال العم محمد ***
سمير بصوت يسمعه الكل : كشخه يا فهد صرت رجل اختي هههه حلوه والله اخوي من الرضاعه تزوج اختي ههههه يا اخي الى الان ما صدقت000
فهد : اقول بس ترى توني ما بعد تزوجت 000
سمير : ايه ماقصرت بس متملك000
************************************************** **********************************



انتهى البارت2 يا بنات اعذروني اذا كان قصير لاني صراحه ابغى اغير جو وافرفر بالمنتدى


تحياتي لكم:
اميرة المجد

>مـــــشكــــوووورهـ ...يـــ ـااا أميرة الورد

مشكورة اختي
القصة رائعة بس ياريت تكمليها بسرعة انا متشوقة اعرف ماذا حصل لسمر و سمير

حباااااااايبي اعععععععععتذر لكم ما اقدر اكمل الروايه

ليش يا أميرة المجد أررررجوكي القصة حلوة بس انا متشوقة للنهاية

أتمنى انك تكملي القصة