لقاء مع الممثل المبدع عبدالله المطيري

السلام عليكم ورحمــة الله وبركـآآته..

امس طبعـآآ كان اللقاء مع عبدالله المطيري على الفيس بوك

المقدمه:

السلام عليكم ورحمة الله وبركـاته


اعضائنا الكـرام رحبو معي بصاحب الاداء الجميل

صاحب الدور المؤثر ...والقضية الكـبيرة وصاحب الدور ارائع ظـهر 1 , 2 وغبار الهجـير ...االثاني ,,فكـان متفن الاداء ... آآآثر في المشاهد ببغض المشاهد للدور والتصرفات التي يمثلها ...مهما مكـان الخير جميلاً لن يظـهره سوى النقيض بصورة القوية

وتفطـرت قلوب المشاهدين حنقاً وغضباً منه دور متعب على ظـل الجزيرة

رحبوا معي بصاحب الاطـلالة :

عبدالله المطـيري

انارت المجموعة بحلولكـ ضيفاً استاذنا الكـريم

ونشكـر لكـ تلبية الدعوة وانمـا يدل على تواضعكـ وحسن اخلاقكـ

جزاكـ الله خيرا

عبدالله المطيري
بسم الله الرحمن الرحيم وبه نستعين ،،،

السلام عليكم ورحمة الله وبركاته

يسعدني ويشرفني أن أكون بصحبتكم اليوم ضيفًا عليكم،،،

وأسعد بأسئلتكم واقتراحاتكم ونقدكم بكل صدر رحب ،،، فما نحن نعمل إلا لأجلكم ،،، وما أنتم إلا كمرآة لنا ،،، فأنتم العنصر الأول في نهضة الدراما المحافظة ،،، فلكم جزيل الشكر والتقدير.

وأنا داري إنكم حااااقدين على شخصياتي اللي مثلتها ،،، لكن ما أقول إلا الله يلوم اللي يلومكم،،، وأتمنى إني أكون ضيف خفيف عليكم ،،، وكل نفر هنا يحافظ على أغراضه لأني أتوقع إن فيه شي بينسرق الليلة

الاسئــــــــــــــــــــــله..


ليش دآيم أدوآرڪّ إجرآم , هل هو طلب من المخرجَ , أم طلب منڪّ للمخرج َ ؟ّ!

الأدوار دائمًا تأتي على رغبة المخرج واختياره ،،، فلم يحصل أني طلبت من المخرج دور معين ،،،

2/ مـآذآ يطمح عبداللــﮧ المطيري ؟ّ!

أطمح إلى توسع الدراما المحافظة وانتشارها بشكل كبير يرضي الجميع ،،، لأن مجتمعنا مجتمع محافظ ،،، فلا بد أن نبرز إعلامنا وقيمنا وأخلاقنا ،،، لأن هذا من صالحنا وصالح أجيالنا

3/ لو طلب منڪّ المخرجَ تمثيل دور ڪّوميديَ ! ولو عرض عليڪّ العملَ مع مخرج ثآني هل ستوآفق أم لآ ؟ّ!

بالنسبة للدور الكوميدي ، فلم تكن لي تجربة من قبل ،،، لكن قريبًا بإذن الله سيتحقق هذا الشيء ،،، أما لو عرض علي العمل مع مخرج آخر غير مبدعنا أبو عبدالله .... فهذا الأمر غير وارد أبدًا ،،،

4/ وش شعورڪّ إذآ شفت نفسڪّ بالشآشـﮧ ؟ّ!

دايم أتهرب من أني أتفرج على الأعمال اللي شاركت فيها ،،، لأني كل ما شفت نفسي أحس إني ما أديت بالشكل المطلوب ،،، وهذي النقطة حلوة في إني أتعرف على نقاط ضعفي ونقاط الخلل الموجودة في أدائي <<< أحس إني أشرح درس

- نتمنىآ تذڪّر لنآ موقف محررجَ حصل لڪّ مع أحد ممثليَ ظل الجزيرهَ أثنآء البروفآت ؟ّ!

كل ما بغيت أقهر تركي الحساني أقول له يلا نسوي بروفه ،،، لأنه حبيبنا تركي ما يحب شي اسمه بروفه ولا يعترف فيها




اولا :البطاقة الشخصية اذا تكرمت ؟!

عبدالله بن فلاح المطيري ، من مواليد الرياض وسكانها ، بكالوريوس تربية فكرية من جامعة الملك سعود بالرياض ،،، مدرس تربية فكرية في المدينة المنورة

ثانيا:دور مسلط ومتعب كدور وشخصية هل تعجبك ؟!
يعني تحب ادوار الشر لو كنت متابع فقط ..

أنا من كثر تمثيلي لدور الشر حبيته ، لكن على الله ما أتحول شرير في حياتي العادية ، الله يستر صدق ،،، لكن بصراحة أدوار الشرف لها طعم ورونق خاص محبب ،،، خصوصًا إذا كانت تتسم بالذكاء.

ثالثا :مين اكتشف أ.عبدالله ؟!

المسرح ،،، مشعل القاضب ،،، هذان الطرفان كان لهما الأثر الكبير فيّ بعد الله ،،، ولله الحمد من قبل ومن بعد

رابعا:مواقف محرجة مرت عليك ؟!

بصراحة المواقف كثيرة لكن لا يحضرني شيء منها في هذا الوقت ،،، يمكن أذكرها في نص اللقاء وأكتبها

خامسا:ردة فعل الوالدة يوم شافت دورك ؟! يعني ماخانقت ولا عصبت ولا شي؟!

( هذا السؤال مباشر وجهته للوالدة لأنها عندي آلحين ) في البداية كان عندها تحرج وكره للشخصية ،،، وعدم رضا عن الدور ،،، لكن في النهاية قلب الأم لازم ترضى وتشجع وتدعم ،،، الله لا يخلينا من أمهاتنا قولوا آمين..


*مآذآ يعنـي لك المخرج القدير / محمد المحيميد =)

المخرج المبدع حبيبنا أبو عبدالله محمد المحيميد ، بصراحة لو أتكلم من آلحين إلى السحور ما وفيته حقه ،،، وبدون مجاملة شخص مبدع ولديه هدف محدد يسعى لتحقيقه بدأ من الصفر ، وله فضل علينا جميعًا بعد الله ، فله جزيل الشكر والتقدير




سؤال: ماذا يطلب الاستاذ عبدالله من جمهورهـ؟

طلبي لجمهور الدراما المحافظة بشكل عام ، وهي أن يستمروا في دعمهم وثقتهم في ما يقدم لهم ،،، وأن يكونوا خير عون لصناع الدراما المحافظة في النقد الهادف البناء ،،، وليس الجارح الهدام ،،، وليعلموا أن الدراما المحافظة لا زالت في سنواتها الأولى ولا بد أن تكون هناك بعض الصعوبات والعقبات ،،، ولكن بثقتكم وتشجيعكم ستنزاح هذه الأمور جميعها وسترون ما يسركم بإذن الله


اقرب الاعمال إلى قلبكـ غبارالهجبر1- غبار الهجير 2 -ظل الجزيرة؟

غبار الهجير 1 ،،، لازم يكون أقرب الأعمال إلى قلبي ،،، لأنه انطلاقتي الأولى..




** وش ترتيبك بين اخوانك ؟!

الأول




ليش ادوارك شريره؟؟

بناء على رغبة المخرج واختياره


وش الشعور التي تحس فيه وانت تناظر ظل الجزيره وتناظر شرانيتك ومكركـ؟

بصراحة مثل أي بشر لديه شعور أحقد على متعب وفعايله ،،، لكن ما باليد حيله


_ هل انت راضي بما قدمته للمشاهدين؟؟؟

..راضي ولله الحمد لكن لا زلت أطمح للمزيد ،





-بشكل عام هل شخصية الشّرير أو الظالم بالأصح .تعجبك؟
او ان الأستاذ محمد المحيميد يختار لك تمثل هالأدوار
يعني يحسّ انك مناسب لها؟؟

أكيد ليس هناك عاقل يحب الظلم والشر ،،، ولم أكن أحبها قبل تمثيلي لشخصيات الشر ،،، لكن وقع الاختيار من المخرج ومثل ما يقولون طاح الفاس في الراس ،،، وانجبرت إني أحبها ،،، وليش حبيتها؟ عشان أؤديها بالشكل المطلوب ،،، بحيث تقمصتها كأنها داخلي تمامًا


مااقرب شخص لديك في المسلسل


كنا فريق العمل كمثل العائلة الواحدة ، قريبون لبعض بشكل كبير ، لكن حبيبي تركي الحساني أقرب واحد لي ، في الطلعة في الدخلة جوى السيارة كنا سوى ،

وش تخصصك في الجامعة

تربية فكرية

ونبغى موقف طريف حصل اثناء التصوير؟

النظارة الشمسية هذي بهذلتنا وأزعجتنا ، كم مرة عدنا المشهد عشان النظارة لأنها كانت تعكس اللي قدامها ، وتصير كأنها مراية ، وكم مرة قام يصارخ علي المخرج عشاني كنت لابسها ناسي ، بس موب يصراخ بقوة يصااارخ بشوووووي ههههههه



لو طلب بنك المشاركة بقناة اخرى هل توافق ام ترفظ

أنا مرتبط بعقد مع مؤسسة مونتا دراما ، وهي من تقرر



مـآذا تحب الادورآر الكوميدية ام الترآجيدية ؟

التراجيدية طبعًا .


ماشاء الله شفنـآ ابدآعك ف المســرح فمـآ رأيك بالمسـرح ؟

المسرح هو أبو الفنون وهو صاقل المواهب <<< متعوب عليها صاقل ( ما أدري من وين طلعت ) ،،، المهم المسرح له فضل كبير علينا بعد الله في هذه المرحلة التي وصلنا إليها.

ما هي اصعـب المـوآقف التي مرت عليك ف ظـل الجـزيــرة ؟؟

أصعب المواقف بصراحة هي مرض والدي الذي حدث في وقت التصوير ،،،


حدثنـــآ عن بدآيـآتكـَ ف التمثيـــل ؟ ومن اكتشف فيك هالابدآع التمثيل ؟


بدايتي كانت في المسرح في المراكز الصيفية ثم في جامعة الملك سعود


هل صحيح ان لك صلة قرابة بابو سند؟

أبو سند عمي أخو أبوي ،،،

وكيف استطعت الوصول الى محمد المحيميد؟ واستطاع اكتشاف مواهبك؟


أبو سند حضر مع المخرج محمد المحيميد مسرحية مثلتها في الجامعة ، ثم بعدها تم اللقاء



س1: ماهو النادي المفضـل لكـ ؟

المنتخب السعودي <<<< ههههههه النحشة

س2: أذكر موقف لـك مع مهند السلطان ؟


بصراحة لا تحضرني مواقف مع حبيبنا مهند ،

متى سيبدأ تصوير مسلسل ظل الجزيرةْْْْْ الجزء الثانيْْْْْ ؟

في محرم القادم بإذن الله أو قبله


وش شعوركـ وآنت تشوف كلام آلنآس عليكـ بآلشريطـ؟


الحمد لله ، كلام المتابعين عن متعب وحقدهم عليه وكرههم له وسام أعلقه على صدري ، لأني ولله الحمد استطعت إيصال ما يريده المخرج ، وهو كره أهل الشر والظلم





وسؤال لماذا تتحدث اللغه الجنوبيه...* *.....!!.....^ ـــ ^...أقصد اللكنه جنوبيه....

من عاشر قومًا أربعين يومًا صار منهم ، وأنا عاشرت أهل الجنوب حبايبي سنتين كاملة


شعورك..وأنت تمثل مع عمك..ابو سند..جعله للجنه..وكيف صحة والدكم...

في التمثيل أنسى أنه عمي وينسى إني ولد أخوه ،،، واللي في قلبي عليه ما يطلع إلا في التمثيل ههههه ، والوالد صحته في تحسن ولله الحمد

اصعب موقف لك وانت تمثل..؟؟

مشهد الكشته مع نايف الله لا يعيد ذا المشهد ،،، كل واحد منا دخلت في رجله ميتين وطعشر شوكه ،،، كان المكان كله

شوك وتعذبنا بجد


سؤالي هل ستستمر في الادوار هذه؟

هذا السؤال يوجه للمخرج محمد المحيميد ، وأنا جاهز لخدمة الدراما المحافظة في أي دور يطلبه مني


مآ تأثير الأدوآر آلتي قمت بتمثيلهآ عليك ؟

الحمد لله الأدوار لم يكن لها أي تأثير علي........... أتوقع ق


ماهو شععورك عندما تفتح صفحتك بالفيس بوك والمنتديات
والناس ( الله يهديهم مايدرون انه تمثييل ) تدعي علييك ..؟؟

بصراحة الحمد لله ما أتوقع إن فيه أحد عاقل بيدعي على ممثل من قلبه ، وإنما الدعاء يكون على الشخصية ،،، والدعاء على الشخصية ماله فايده لأن الشخصية وهميه وغير حقيقية فما فائدة الدعاء عليها ،،

س2- من هو الذي دعا الممثل عبدالله المطيري الى التمثيل .. ..؟

الرغبة


* أقررب دور مثلته لقلبك ؟

أكيد مسلط ، لأني عرفت الشاشة من خلاله ، وعُرفت من خلاله.

* أفضل مرحلة فحيآتك .. يعني لمّا تتذكرهآ تتمنى تعيدهآ ؟

المرحلة الجامعية من أحلى أيام حياتي.

* شيء إذآ فعله [ عبد الله المطيري ] يشعر برآحة ؟


الصلاة

* مالشي الجيد فيك ولآ يعرفه الكثيير عنك ؟

الشيء الجيد فيني ولا يعرفه الكثير ، أن عندي احترام للمواعيد بشكل كبير جدًا ولله الحمد على هذه النعمة ، لكن مو دايم تصير هذي الصفة جيده ، لأني بعض المرات أروح لكذا موعد مبكر أو في وقته المحدد واتفاجأ إني أول واحد يجي وانلطع كثير

* شخص من زمآن عنه وودك تقآبله ؟

كثير مرة ، أنا بالمناسبة إنسان قطووووع ، لكن والله مو بكيفيه


متى يروووووووووووووق عبدالله ؟

في البر

متى يغضب؟ <---

في الزحمة والحر


مآ آحب الآسمـــآء إليك ؟

مـسـلـط هههههههه

وهل في يوم من الآيآم سوف نفقد عبدالله المطيري في الآعلآم المحآفظ ؟

لا إن شاء الله ، بدأت في الإعلام المحافظ ، وليس لي طريق غيره


وماهي أخبار مهند السلطان اليوم بعد العملية ؟

الحمد لله على سلامة حبيبنا الأستاذ مهند السلطان بعد إجرائه للعملية وهو بخير وصحة ولله الحمد ، لكن يبغى له فترة إلى أن يرجع نظره بشكل طبيعي مثل ما حدث مع أستاذنا وحبيبنا غنيم الغنيم ، وهذا شي طبيعي جدًا ،،، الحمد لله على سلامتهم جميعًآ



*| بصفحتك في الفيس هل لقيت سب وهواش واحد ودة يصفقك ؟

لا ولله الحمد لم أجد هذا النوع ، لأن جمهور الإعلام المحافظ راقي جدًا ويعرف أن التمثيل مختلف تمامًا عن الحياة الواقعية
..

انتي مدرس يعني معلم ولا وششوو..؟

اييه

واذا كانت اجابتك اييه .. ما تحس ان طلابك يكرهونك ..؟


طلابي ما يدرون إني أمثل <<< أحسن شي



سـ / هل الممثلين جميعًا يعرفون قصّة المسلسل كآملة أم المشآهِد التي لآ يوجد فيهآ بعضهم لآ يعرفون شيئًا عنهآ ؟ بمعنى أنه هل أنت الحين تعرف عن المشآهد اللي مآنت فيهآ قبل مآ ينعرض المسلسل ولآ مآ تعرف عنهم ؟

قصة المسلسل معروفة لدى جميع الممثلين لكن ما يدور في المشاهد من حوارات لا نعلم عنه ، لأن الممثل لا يحضر جميع مراحل التصوير << أتكلم عن نفسي كنت في الجنوب والشباب يصورون من زمان


وفي نهاية اللقاء لا يسعني إلا أن أقول عز الله اللي راح فيها ظهرك يا عبدالله المطيري

من الساعة 11 إلى الآن وأنا على جلستي وطار الوقت معكم كنه دقيقة ما حسيت فيه

ألف ألف ألف شكر على استضافتكم لي وأسعدني وأبهجني تواجدي معكم والرد على اسئلتكم

لكم كل الشكر والتقدير واعذروني على الأسئلة اللي ما قدرت أجاوب عليها ، أنا الآن جاوبت آخر سؤال تمت كتابته قبل إيقاف أختنا وسمية للأسئلة ، وسأقوم بالإجابة على باقي الأسئلة بإذن الله في أقرب وقت.


أكرر شكري وعرفاني لكم إخواني وأخواتي أعضاء المجموعة على أسئلتكم وتفاعلكم ، وإلى لقاء قريب بإذن الله

والسلام عليكم ورحمة الله وبركاته

أخوكم
عبدالله المطيري..




........

والسلام عليكم ورحمــة الله وبركـآآته


لا تحرموني من ردودكم

مشكوره تسلمين

..

مشكوررين على المرور

مشكورة

مشكورة اختي على المرور